..أريد أبوس أيدج أمي..

أريد أبوس أيد أمي 000


أبوس أيدج ياأمي 00 مو الغربه ذبحتني ويارب مو بس تبعد عني أمي 00 ربتني وغنت ألي وتلوليلي 00

ويا ما بالبرد بحضنها دفتني 00 دموعي كثرة وأطشرت على الخدود وجرت ألج ياأمي 00 أريد أبوس أيدج

ياأمي 00 وينج وأصيح بعالي الصوت ياأمي 00 جمره أصبحت جلمة اه واه اخ واخ 00 وبصوت جني أبجي

وماكو أحد يسمعني ياأمي 00 هاي ألغربه ياأمي بس تبجي 00 كتلتني وجوة روحي 00 ودي تشوفيها

وأنتي تصلين وتدعين لله من تباوعين أعلى السمه جانت صافيه 00ومن رمادها دخان صارت دزيتلج أياها

بلجن تحسين بيها ياأمي 00 ومنها تحنين وتسألين هذا ميت لو ضال 00 لسه ياأمي 00 حي أني

يمج وج يايمه نسيتيني 00 أنه الجنت دوم أتهنى ونومتي أعلى صدرج جنه جنه 00 اه يايمه اه يايمه

أتوسل بيج بس أريد أبوس أيدج يايمه 00 سامحيني الغربه منج أخذتني وعنج بعدتني 00 بس لسه

أنتي بروحي وعقلي وكلبي يايمه 00 ليش أشعبالج من ربيتيني وكبرتيني جان هذا كله من فضلي00

لو هو فضلج يايمه 00 تعبتيني لشوكت راح تضلين أتعبيني 00 موصوتج بأذاني يرن ويحرك الشوك

بروحي 00 مشتاك أشتم ريحتج ليش العالم كله أرتاحت 00 وأني أضل شايل همي ياأمي 00

ماردت منك ياربي 00 غير أريد أسمع صوت أمي 00 وتشوفني صورتها جنها أهنا يمي وهي

حاضنتني 00 صدكوني ياناس هواي بجيت بجيت هواي 00 ومن كثرة البجي أدموعي نشفت

وأحس عيني أنعمت 00 يمه دتعاي عاد شوفيني بس تعاي 00 وكبل ماأموت تجيني 00أريد

روحي تودعج أشبع منج 00 أريد أبوس أيدج يمه يايمه 00 يمه موجثير ناس بعيده عني يمه00

هي خطوة هي هاي خطوه 00 لكن صارت أسنين ياأمي وحشتيني 00 من جنتي أعلى

التنور تخبزين وأول خبزه تنطيني 00 وياها أستكان جاي تصبين وتكوليلي 00 أكل يايمه بهنه

وعافيه تدعيلي 00 هم بهاي ماتذكريني ليش نسيتيني 00 تردين أذكرج من جنت أجي وأدخل

باب بيتج يايمه 00 وأشتم ريحتج وأشرد بيها 00 وأضل بس أبجي وأبجي لمن أسمع صوتج00

تكولين يمه هذا منير من الجبهه أجه 00 وهلهوله تهلهليلي يايمه 00 وتتذكرين الغبشه تكعدين

أتحضرين حاجاتي 00 وأبويه ألله يرحمه جان يضل بالغرفه كاعد 00 مايطلع ضام حزنه ودموعه

عني مابوده يحسسني بيها 00 ماأدري يايمه أبروحي شجاها جنها كرهة الدنيه وغربتها 00

صبر أطلب وصبر منك ياربي أطلب 00 جنحان تسويلي 00 وبيها أصير طير وأطير أروح أشوف

أمي 00 بس أريد أبوس أيدها 00 أسنين مضت الطفل ولد وكبر وصار عمره 15 سنه يايمه00

ياناس صلوا ألي بلجن دعواتكم لربي وي صلاتي يوديني يم أمي 00لنها حتى بالطيف مازارتني 00

كل هذا العمر فات والباقي من عمري لعمرج ياأمي 00 خليني أسمع صوتج لو دكات أفادج 00

مو كافي حنيت أشتاكيت مليت وجنيت بس أريد لحظة من حضناتج 00 وتشتميني يمه شماعبالج

يمه 00 غدرة الدنيه بيه ومر العمر وأنه أتاني الجيه 00 خليني أفرح بشوفة خواتي أعلى خاترهن

يايمه موأعلى خاتري يمه يايمه 00 بجيتج تسوه عندي الدنيه ولاتنسين أشتاكيت لطبخج يايمه

00 دليمية ألباميه ولحم غنم بعظمه الطيب يايمه 00 لسه تره أني أدزلج سلام ودعاء من ألله

يخليج ألنه يايمه 00 يوصل لو مايوصل وأنتي زعلانه يايمه تره صدكي يمه 00 أخاف ألله وأبد

عنج ماأتخله أبد عنج ماأتخله يايمه 00

أريد أبوس أيدج يايمه يمه يايمه أريد أبوس أيدج ياأمي