جنسيتي __________ أحبـــك

جنسيتي محبتك



مجنون أبمحبتك يا اعز إنسان
يا أجمل قصيدة و أحلى معزوفة


يا مالك خيالي و فكري يا معسول
اكتب بس إلك كل شعري و حروفه


قافيتي شفافك و الوزن رمشين
و عيونك بحور الشعر موصوفة


صوتك عدّة بالغبشة نغم فيروز
و ام كلثوم من قاموسي محذوفة


ألف ليلة عسل عشناها آني وياك
و الليلة إلّي ضلت اضن معروفة


نگضيهه سوية حبيبي
و نغني و نسولف أحلى سالوفة


يا كلشي بحياتي و يا فرح دنياي
يا من شلت من گليبي كل خوفه


ما أضنك تبيع و لا أبيعك يوم
اكو واحد يبيع گليبه و يعوفه


يالحسنك عجيب و ما اضن موجود
إذا تطلع نشوف الشمس مكسوفة


و خطية الگمر يبچي و يون تالي الليل
حدر الغيم يختل صابته الخوفة


يالحسنك ينوّر كل ظلام الكون
إذا قرص الشمس مكسوف ذليته


و گمر ليل المحبّة بشوفتك مقهور
إذا حتى الگمر بالليل بچيته


تحياتي