اليوم جايبلكم اجمل النكات العراقيه وارجو عدم الزعل لما فيها من محتويات لان هذهي هي المتداوله بين الشعب العراقي
حشش كال اريد اصادق بنيه كلوله لازم تاخذها بالسياسه !! راح لحك بنيه كللها اكلج شنو هل الجمال تشبهين نوري المالكي
1) دليمي كل مرة يطبگ باب الثلاجه على كيف .. گالوله ليش؟.. گال: أريد أعرف منو يطفي الضوه جوه؟
2) دليم تلاثه أخذوا مقـاولة مد الكيبل الضوئي من بغداد للرمادي وقسموا العمل بيناتهم واحد يحفر وواحد يمد الكيبل والثالث يدفن..غاب اللي عليه شغلة مد الكيبل.. الجماعه إستمروا واحد يحفر وواحد يدفن.
.
3) واحد گال للحلاق: تره صارلي ساعتين هنا، الحلاق كردي ..گال له: شنو يعني؟ اني صارلي سنتين ها.
4) احول دخل بالجيش ... حطوه بقسم القصف العشوائي.
5) تاجر مصلاوي شاف روحه يوزع فلوس بالحلم، صحه من النوم گال التوبه إذا أنام بعد.
6) واحد غبي تزوج وحده اغبى منه، صار عدهم ولد .. يلعبوه يگولوله: أغغغغغ ... يگلهم: هاه؟؟
7) كردي گام يطفي الضوه لگاه محروگ.
Cool شيخ عشيره حچه نكته... واحد كردي من الگاعدين بالمضيف عجبتة النكتة وضحك .. وگال : خره بعرضك إمحفوظ على هالنكته.
9) بدوى اول مرة يشوف فلبيني گال: هنياله شبعان نوم.
10) واحد ناصرية سمع أكو مجاعة بأفريقيه ،گام دگ رقم لاعلى التعيين بالصومال، وتدريع وسد السماعة .
11) دليمي عمره 8 سنوات يسوق سيارة ، سالوه منينلك؟ گال: كتبت لأبويه ويه القرطاسيه مقطاطه أم السياره، جابليّاهه ويه المقطاطة.
12) واحد گال لخطيبته: إشچانوا يدلعوچ وانتي زغيرة؟ گالتله: ميمي ... وانته؟ گاللهه: ابو خنـّينه.
13) كردي ضيع مفتاح سيارته اجوي الناس يساعدوه، فتحوله باب السياره بالدرنفيس، گام سوه نسخة من الدرنفيس.
14) دكتور كسور وعظام كلما يطلع بالليل تلحگه الچلاب.
15) واحد ناصريه سكن بالنجف، يوميه يإخذ المسجل مالته ويروح للمگبره، يفتر بين الگبور إمعلـّي صوت المسجل على اغنية (الحياة حلوة).
مصلاوي سأل مرتة إشطابختلنهة اليوم؟ گالت باگلله ودهن، گاللها حــــيل!! طبختين بفد وجبه؟
17) ديچ تحارش بدجاجه، ردت عليه بخشونه، گاللهه وعلى شنو إمتنگه؟ ذنيچ الدجاجات مصلخات بالمطاعم ومحد بحالهن.
18) الكراد سووا مظاهرة تضامن مع الفلسطينيين.......... لبّسوا واحد منهم شارون، وحرگوه.
19) واحد حب يتذكر ايام الطفوله... بال على نفسه.
20) دليمي راح للصيدليه طلب كارتونين نيفيا، الصيدلاني گال له: إشدعوه هالكميه؟ گال له الدليمي: يمعود بس خادمك حمودي يتريگ باليوم باربع علب.
21) واحد باگ بطه من جيرانه.... ثاني يوم الصبح شافه جيرانه ... گال له:صباح الخير .... گال له يابطه؟
22) كردي اشتره حذاء , فگال له أبو المحل : تره أول تلثتيّام راح يزعجك بالمشي .. گام لبسه رابع يوم.
23) اثنين يچذبون واحد عاللاخ, الاول گال:دتشوف ذيچ النملة اللي فوگ الجبل ؟ الثاني گلله: ياهيّه منهن؟ المغمضة لو المفتحة؟
24) فد ولد واهسه بالبلاي ستيشن ، فلمّن مات أبوه كتب على گبرهGame Over
25) كردي بالنجف ..شاف جنازه ، فراد يگول: انتم السابقون ونحن اللاحقون، مادبّرهه، فگال (انت يروح وبعدين انا يجى).
26) واحد گالوله: احلف راح كتل ابوه ورجع گال: وروح ابويه
27) ديچ معلگ بالصاله صورة بيضه كالوله: شنو هاي؟ كال: صورتي من جنت طفل
28) طفل لوتي گال له ابوه: ولك ليش المعلم كاتبلك حمار بالدفتر؟ گال: لا بابا هذا توقيعه
29) قنجفي دفان خلصت الحرب بعد ماكو جنايز هوايه، گلبه محل فواكه وكتب لافته (الموز ح)
30) واحد راح للدكتور قاله دكتور لما أحط ايدى على عينى ما أشوف شي.. راح الدكتور زرفله ايده.
31) ناصريه لگه حراميه يتقاسمون گال انطوني حصه وما ابلغ عنكم هالإسبوع.
32) كردي مرته جابت توم.. گلهه: تگلليلي منو أبو الثاني لو هسه أذبحچ؟
33) بدويه بمحو الأميه.. گللتلهه المعلمه: أريد جملة فيها (إدغامٌ بـِغـُنـّة) گالتلهه :عمن يعميچ.
34) فقير جوعان گال لواحد ناصريه أنطيني أي شي آكله جزاك الله خير.. گام إنطاه فاتح شهية.
35) دليمي اول مرة يركب سيارة ...اشتري فراري.. فتح الراديو گالت المذيعة هنا لندن .. گال أيباه...يلعن ابو السرعة
36) چلب دايح بالشوارع شاف چلب بوليسي بباب مركز الشرطه..كال أيباه..بالله لو مخليني أهلي أكمل دراسه؟؟
37) دليمي راح للدكتور گال: دكتور.. انا كل مكان بجسمي يعورني..كشف عليه الدكتور لگه اصبعه مكسور.
38) واحد ناصرية يرجم الشيطان وهو متلثم سألوه الناس ليش؟؟ گاللهم: يمكن أحتاجه فد يوم .
39) واحد يصلي بجماعه وچان أكو نسوان همينه يصلن.. المهم گال ولا الضالين ردو اااامين ..گال :أروح فدوه لهل الصوت
40) ناصريه دخل بالشته يبوگ فد بيت ، ما لگه شئ بس لگه عجوز أمگرمه وبردانه ومتلحفه باللحاف.. گام فتح المكيف عله أعلى درجه وطلع .
41) واحد احول سألوه إشتتمنى ؟ گال : بنفسي اشوف واحد يمشي بوحده .
42) واحد بيده موبايل ويصيح: دوري زين الله يخليچ ..فمر من يمه واحد إستغرب من صياحه فاخذ الموبيل منه لگاه يگول:الرقم غير موجود بالخدمة.. الرقم غير موجود بالخدمة..
43) إثنين أنذال تراهنو منو الأنذل من الثاني ، فراح الأول ضرب رجال چبير يمشي بالشارع وگال للثاني شفت ما أنذلني؟؟ فگال له الثاني: مو أنذل مني... لأن هذا الرجال أبويه.
44) ناصريه أفرار عايش بغير مدينة تبرع لجيرانه بدم ... اليوم الثاني گام ذاك بلغ عليه .
45) ناصريه اشتغل بالدفاع المدني گام عبا خزانات الاطفاء بانزين بدال الماي .
46) طليان ثنين كاعدين.. الأول گال: ماااااااع.. الثاني گال سبحان الله هسة ردت اگولها..
47) واحد من المنصور تطوع للعسكريه سأله الضابط: شتگول اذا قابلت العدو ؟؟ گال أگوللهم: مأحبــــــــــكم.
48) واحد أمّه من الناصرية اخذ دبة الغاز يعبيها گاللها : إدعي لي يمّه، گالت : الله يفتحها بوجهك وليدي.
49) عجوزكالت لواحد شنو رايك بجسمي گال لها: زين ... بس ينرادله شوية كوي.
50) واحد ناصريه أتصل بيه جورج قرداحي ، گال له: معنا صديقك وصل نصف مليون ريال ومحتاج مساعدتك گال : گل له نايم.
51) صخله شافت طلي يبچي گالتله ليش تبچي؟ گالها راح يذبحوني گالتله: بعيد الشر... گال لا بعيد الاضحى.
52) كردي راح يعزي صديق بوفاة والده، سأله وين مكان الضربه بالمرحوم گال فوق عينه.. گال هم زين ماجت بعينه
.
53) ناصريه فتح شركة بيبسي كتب عالبطل: رج القنينه جيداً قبل الاستعمال.
54) محشش سأل مرته : عندچ طماطه وبتيته ودجاج ؟ گالت : اي عندي , گال: لعد سويلنه كيك.
55) محشش كامش الدجاجه ويضرب بيها ويگول: يا بنت الكلب كل يوم بيض!! ماكو فد يوم جبن؟.. گيمر؟
56) محشش يسوق تكسي .. أشّرت له بنيه ..وگف گال : وين تروحين؟ گالت: للشورجه گاللها: اوكي بس لتتأخرين
.
57) حشاش ضرب صديقه راشدي، گال له: لك هذا صدگ لو شقه؟.. قال : لا صدگ.. گال إي عبالي.. لإن أني ما أتحمل الشقه.
58) طفل گال لمعلمته: تدرين ست شگد أني أحبچ..وبلكي أتزوجچ؟ فالمعلمه گالت :أي بس أني ما أحب الجهال.. رد عليها الطفل: مو مشكله ست .. ما راح نسوي جهال
.
60) حشاش يحچي ويّه روحه:مدري مواعد وحده الساعه ثنين؟.. مدري مواعد ثنين الساعه وحده؟
61) حشاش گال لصاحبه:من أحشش بعد ما أعرف أشتغل.. لذلك بطلت..گال له صاحبه:أها...يعني حضرتك هسه عاطل عن العمل؟
62) حشاش سأل أبو المخضر:عندك فاصوليه خضره؟ گال :لا والله خلصت گال: لعد شظل عندك يالون؟
63) قزم راد ينتحر چيّت من الرصيف.
64) قزم عطس ..طخ راسه بالگاع ومات.
65) ثنين دليم يلعبون شطرنج.. الاول گال:هييييه.. كتلتك الحصان.. الثاني طلع شويه ورجع گال: وأني سممتلك الهوايش كلهن.
66) محشش راح للمطار يستقبل أبوه باس الجنطه وشال أبوه.
67) متدين في قمّة الأدب يدگ باب الثلاجه قبل لايفتحها.
68) مات المتدين هذا.. فبالجنه حصل بيتين.. گام باع واحد وأجّر واحد، وسكن عد گرايبه بالنار.
69) محشش يسوق سياره ..وگفه شرطي المرور گال له إجازتك؟..گلله: أي حشيش؟؟
.
70)
.
71) ابو بريص نايم بالمستشفى متكسر ، سألوه سلامات .. خو ماكو شي؟؟ گاللهم: والله كالعادة ..نعال
.
72) صرصر راح يعزي بوفاة صرصر ..سأل أهله:شلون مات المرحوم؟ گالوا بذاك المرض اللعين...گال أيبااااه..هم بالشحاطه!!
73) صرصر بالأنعاش شاف صرصر لاخ جايبيه عالسديه گال له: ها أخي .. هم شحاطه؟..گال. لا والله بف باف
.
74) دجاجة وديچ شافوا محل شاورمه دجاج.. گاللهه الديچ: شوفي!!.... هذا مصير اللي ماتسمع كلام زوجها
.
75) دجاجه إنتحرت وكتبت على ورقه:خلّي( ماجي) ينفعكم..!!
76) طلي مغمّض ويصيح. ماع.. ماع.. گالوله ليش تغمض؟ گال حافظهه عالغيب.
77) زمال راد يغازل صاحبته گاللهه: شوكت تتزوجيني يازماله؟ گالتله:من تحسّن ألفاظك يا زمال!!
78) هايشه وگفت گدام المرايه وگالت:والله حرام كل هذا الجمال وياخذه ثور.
79) حيّه تبچي ..گالولها :ليش؟؟ گالت خمس سنوات إمخيله عله عربيد وبالأخير طلع صونده
.
80) واحد متعاجز حيل..راح للحلاق وگعد على الكرسي منزّل راسه.. گله الحلاق: شعر لو لحيه؟ گال:لا لحيه..گلله:طيب شيل راسك شويه..گال:لعد سويهه شعر.
81) دليمي گال لأبنه إذا نجحت هالسنه أشتريلك رولز رايز وإذا زمال مثل كل سنه أخليك على الـ بي أم 2000 مثل الكلب
82) دليمي گال لصاحبي :بالله شوف ألاشاره مال السياره تشتغل؟ فگال له صاحبه:إي .. لا.. إي.. لا.. إي.. لا .............
83) كردي دعم أثنين بسيارته واحد مات والثاني متكسر.. گام المتكسر يصيح.. گال له الكردي شبيك تصيّح أشو هذاك مات وكلشي ما گال
.
84) كراد ثنين مساجين خططوا يقتلون الحارس ويهربون راحوا شافوا الحارس ماموجود رجعوا گالوا: خربت الخطه
86) حفره بسليمانيه كل اللي يوگع بيهه ينكسر..الملاّ گال أحفروا السليمانيه كلها بمستوى الحفره وخلصونا
.
87) كردي بالحرس الوطني گالوله: من تشوف الملاّ.. تضرب واحد وعشرين طلقه..گال: وإذا صوبته بأول وحده...أكمّل الباقي؟
88) كردي عنيد.. صاحبه دگ عليه الباب گال: منو؟ گال:أني .. گال :لا مو أنته.
89) كردي يصبغ السقف بالبويه گالت له أمه: يمه خلي جريده جوه رجليك.. گال لا ماما ميحتاج... أنوش .
90) كردي يلعب برمانه يدويه.. گالوله :ماتخاف تنفجر؟ گال: عدنا هوايه بالبيت.
91) كردي سألوه شتسوي اذا ردت تصيد أرنب ؟ گال: أقلد صوت جزر.
92) كردي راد يبدل الگلوب ركب على چتف مرته وگاللها يلله افتري.
93) كردي طلّع الصوبه ليبرّه البيت.. گالوله ليش؟؟ قال :مو برّه أبرد من جوّه.
94) كردي يسبح بالشط ويندعي: يا إلاهي لاتموتني لخاطر المره والجهال..صديقه سمعه گال له: لك يامره ياجهال؟ إنته يمته متزوّج..الكردي غمزله وعض له شفـّه
.
95) كردي سكن بالرمادي گال له جاره: عود فنجان الگهوه مالتك يمي گال الكردي: أي والله يمكن واحد من الجهال شمره عليكم
.
96) كردي گال للدكتور :دكتور كلما أشرب چاي عيني توجعني..گال له الدكتور :طيب كلما تريد تشرب الچاي وخّر الخاشوگه
.
97) كردي شاف گشر موز بالشارع گال:أوهوووو..شلون شغله ؟ هم راح نزلگ!!
98) كردي وگع من جبل...صاح.إلحگوليييييييي..چيتوا الاكراد كلهم وراه.
99) سبعه أكراد سووا عصابه سموههسي قهره ماني كان) أي الأبطال الثلاثه.
100) دليمي سأل أبو المحل:عندك تلفزيونات ملونه؟ گال له نعم.. گال فد واحد أزرگ للجهال الله يخليك
.
دليمي عنده أرق ميگدر ينام گالوله عِد للميه تنام .. وصل للخمسين نعّس.. گال: اگوم اغسل وجهي وأكمّل للميّه.
102) دليمي گال له أبوه روح إغسل وجهك راح يجونه خطار..گال وبلكي ما إجوا؟
103) واحد حب يتغزل بمرته بالفراش گال لها:شايفه هذاك الگمر؟؟ گالت:إي.. گال :ريحة أباطاتچ واصله يمّه
.
104) واحد لاخ هم گال لمرته شايفه الگمر ذاك؟ گالت نعم.. گال براشدي واحد أوصلچ يَمّه
.
105) دليمي أتصل بالأطفاء گاللهم:شنو إذا ماكو حريق منشوفكم يعني؟؟
106) . كرديه گالولها: الموضه هالسنه جلد طبيعي..طلعت للسوق مصلخه.
107) دليمي راد يتعرف عله بنيّه گاللهه:شسمچ؟ گالت:أسماء.. گال: أها..يعني مو إسم محدد؟؟
108) دليمي وكردي يتمشون بالمزرعه..الدليمي سأله:جاي تشوف هاذا ابو الزعر(نوع من الطيور) المصنگر مثل الصلّ فوگ الشجره؟.. الكردي گال متعجب: زين شنو معنى كلمة شجره؟
109) دليمي سألوه: ششفت ببغداد؟ گال السفن أب.. گالوا شنو يعني ؟ گال بطل تفتحه لو تلحگ تشرب منّه لو لا
.
110) اثول شاف المصلحه أم طابقين ببغداد واگفه..داخ.. گال ياساتر اشلون حادث رهيب..شصعّدهه وحده عاللُخ ؟
111) دليمي شاف نافورات هواي ببغداد گال : حيل..!! شكثر بيهه بوريات طاگه.
112) واحد عرس سكتاوي حط كاسيت فارغ بالمسجل.
واحد من المدعوين عجبه الشريط طلب منه نسخه مسجله.
جيرانهم دگ الباب حيل منزعج گاللهم :يأ أخوان نريد اننام متنصون صوت المسجل شويه.
113) دليمي أشتره علچ أبو السهم ..صار الليل وهوه يعلچ.. گالوله نام.. گال: بالحرام.. ما أنام إلا أخلصه.
114) واحد اشتره لابنه حاسبه شال الصفر منهه گال حتى لتسجل عليّه مكالمات دوليه.
115) فيترجي اشتره چربايه ...نام جواهه وصاح على مرته: ناوشيني سبانه تلثطعش.
116) مصلاوي گال لجهاله اللي ينجح هالسنه اراويه سيارة الموطا.
117) مصلاوي گالوله: اذا بردت شتسوي؟ گال: ادني الصوبه يمي.. گالوا: واذا بردت حيل؟ گال : ادنيهه يمي حيل.. گالوا: واذا بردت حيل حيل حيل؟ گال اضطر اشعلهه.
118) مصلاوي دز ابنه على تلث گرص خبز من رجع الابن گاله ابوه : بابا رجّع وحده امك ماتت
.
119) مصلاوي أحترگ بيته دگ عالأطفاء مره وحده وسد التلفون.
120) تلث مصالوه نايمين بالغرفه ومشغلين البنكه على رقم خمسه..دخل أبوهم بالعصا يصيح:ياكلاب.. تلاثه ومشغلين البنكه عالخمسه؟
121) من معتقدات المواصله انه لازم واحد يسمّي قبل الأكل(يقول بسم الله)وإلا أكل ويّاه الشيطان..مصلاوي ما ياكل غير البرغل أربع سنين..أخر شي طلعله الشيطان گال له:أخي العزير..مو روحي طلعت من هالأكله..لو تغيرها.. لو تسمّي قبل الأكل.
122) مدرس سأل طالب كردي گاله: أبوك شگد عمره گال ما أدري أستاد بس هوّه من زمان عدنه.
123) دليمي عنده ضرس مأذيه حيل راح لطبيب الاسنان گال له أريدك تشلعلي كل سنوني وتخليه هذا بوحده مثل الكلب.
124) دليمي سوه عملية رفع كليه فنجحت العمليه گال والله مدام هيچ لآكررها.
125) گالوا لدليمي :شنو رأيك بالموز؟ گال والله طيب لوما نوايته چبيره.
126) دليمي أشتره مرايه وتباوع لروحه بيهه گال ياسبحان الله هالوجه موغريب عليه...صاحبه گال له أشو..أخذ المرايه وتباوع بيهه گال: لك هذا أني..
127) لبناني يحج بمكه ..عطس گال له السعودي يرحمكم الله فرد عليه اللبناني: حبيب ألبي.
128) واحد من الناصريه سوه حفلة زواج.. وزع بطاقات بيهه الجمره الخبيثه.
129) واحد من الناصريه إشتغل مدير دار الأيتام..گاللهم راح أسوي أجتماع مجلس الآباء
.
130) حرامي من الناصريه طب لبيت يبوگ مالگه شي..خابر رقم بأمريكا وخله السماعه مرفوعه للصبح
.
131) صرصر من الناصريه عزم جماعته عالعشه يمّه..أول ما إجوا..سحب السيفون عليهم.
132) كردي رادوا يعذبوه انطوه ورقه مكتوب عليهه من الوجهين (إقلب الصفحه)
133) مصلاوي تزوج راح شهر العسل بوحده.
134) محجبه لابسه قصير.. گالولها: ليش؟ گالت: حتى أرضي الله وعباده.
135) أحول إتزوج عله مرته...طلعت هيه نفسهه.
136) دليمي گال له إبنه: بويه لازم أدرس بالخارج..گال:وأخوتك وين يخرّون؟
137) كردي راح يشتري حشيشه.. شاف الشرطه بالشارع.. ذب الفلوس وأنهزم.
138) واحد حب يتحارش بوحده وياه بالجامعه.. طخهه فوگعن كتبهه.. گام لمّلهياه كلهن.. گالت له: شكراً.. عذبناك.. گال: بالعكس.. لاعذاب ولا خره
.
139) كردي حشاش دينظم ميزانية المصروفات گال:هاذي ألف للكهرباء.. هاذي للأكل.. هاذي للحشيشه.. اندگت الباب رأسأ.. وإذا الشرطه.. گام رأساً مزّگ فلوس الحشيشه.
140) شيخ جامع خله( أنسر مشين ) مال تلفون.. كل اللي يخابر يگول له: الشيخ غير موجود.. أترك رساله بعد سماعك سورة البقره.
141) كردي دخل عالمُلاّ رافع أصبعين(علامة النصر)..گال الملاّ: ها إنتصرنا؟ گال: لا بقينا بس إثنين.
142) كردي زعلان ويه عائلته..دزلهم رساله فارغه.
143) كردي گال لمرته: اليوم تخرجت من الكليه.. گالتله: ليحسدوك عله ذكاءك.. دُگ الخشب.. گام دگ عالقنفه.. گالت: منو؟.. گالهه:گعدي إنتي..... أني أفتح
144) اللاخ هم عجزان .. گل لمرته: خططي ظهري مربعات ورقميهه من الواحد للميه وحكيلي رقم 72
145) شروگي طلعله بيت بالجنه.. فلّشه وسواه دكاكين.
146) مصلاوي زوّج ابنه.. گاله: بابا.. تره هذي إنته وأخوتك بيهه.
.
147) مصلاوي گال:إذا إجاني ولد أصوم خمس تيام.. صار عنده ولد.. صامهن.. وره فتره مات الولد.. گال: إلا أخصمهن من رمضان.
148) كردي يسأل نفسه: منو الأطول.. الزرافه لو النمر أسرع؟
149) واحدأهدت له صاحبته ببغاء.. وره فتره خابرته وسألته: شلونه الببغاء؟.. گللهه:عادي مثل طعم الدجاج
.
150) دليمي يعزي ناس.. شلون مات المرحوم؟ گالوله بحادث سياره.. گال شنو أثول؟؟ ميشوف؟
151) حشاش عطس ... صاحبه گح.. گلله ليش تغير الموضوع؟
152) واحد من الناصريه طب للجنه قفل الباب وراه
.
153) قزم راح يفصل قاط گل للخياط: شوكت أجي عليه؟ گلله أخذلك فره بالسوگ وتعال.
154) مصلاوي بالسوگ أبنه گلله : بابا أحب النستله... گلله: بابا حبهه ورجعهه.
155) مصلاوي گل: لإبنه إذا نجحت أراويك واحد يشرب ببسي.
156) واحد من الناصريه عينوه مدير شرطه غير رقم النجده من 111 الى 940984356743653429860
157) بزون محشش گال: والله نسيت...هيّه ميو لو ليو.
158) صرصر سأل صاحبه: شلونك هالأيام خو ماكو نعل؟.. گله: لا الحمد لله أبو البيت أحول
.
159) محششين ثنين قلدوا سيارة النجده.. واحد يصيح: ويو وييو وييو.. والثاني يصيح: أحمر أزرگ...أحمر أزرگ...
160) واحد ناصريه ببرنامج طلبات الاغاني گال: وأهديها الى صديقي بمناسبة وفاة والدته.
161) واحد ناصريه لگفله رقم موبايل مال جني..گام كل شويه يدزله مسج (بسم الله الرحمن الرحيم).
162) كردي لازمله ثلجايه ويگول: والله أموت لو بس أعرف منين مزروفه؟
163) مصلاوي يعالج يريد يموت.. شاف ولده كلهم يم راسه.. گعد گال: مناعيل الوالدين كلكم هنا.. عجل منو بقه بالدكان؟
164) واحد ناصريه... طرده أبوه من البيت... كتب عالباب: مقر حزب الدعوه الرئيسي.
165) ناصريه شاف واحد يحترگ .. إنتظر شويه وراح طفاه.. گال: حته يعيش مشوه.
166) أدم شاف حواء تسوي محشي ورق عنب گلهه: ليش تلعبين بهدومي؟
167) دليم يلعبون على خط الرطبه السريع.. اللي ينسحگ مرتين يخسر.
168) مصلاوي حط فلوس بالبنگ.. يوميه يمر ويدگ عالتنكه يخاف لينام الحارس.
169) .كراد ديسوون دعاية ببسي.. واحد يشرب والثاتي يگلله: بقيلي شويه ... بقيلي شويه.
170) طلي ديذبحوه وهوه خربان من الضحك.. گالوله ليش؟.. گال السچينه بالمگلوبي
تحياتي
